03 September 2005

الساعة سبعة ونص

النهاردة صحيت الساعة سبعة ونص
كنت حاسس اني نمت كتير ومن زمان مانمتش كدة وفاكر حاجات بسيطة من حلم تقريبا كان كويس
ايه ده .. بس انا كان عندي معادين..اتخنقت وقلت انا مش من عادتي اني اتأخر او اضيع أي معاد
واحد الساعة اتنين الظهر وواحد الساعة ستة
طب وبعدين انا كدة قلبت المعادين وبرضه ماعلرفتش اصحى والدنيا فيها شمس
قمت غيرت هدومي بسرعة واتكلم في التلفون اعتذر لصاحب المعاد الاول واكلم صاحب المعاد التاني ويمكن الحقه
غيرت هدومي بسرعة ونكشت شعري
ونزلت على السلم وانا بهرول بس وانا نازل على السلم افنكرت اني لما صحيت وغيرت ونزلت ماشفتش أي حد من العائلة الكريمة
الراجل بتاع الأمن قالي صباح الخير .. صبحت عليه وقلت لغاية امتى هفضل انزل وانا شكلي نايم وصاحي وقت المغرب بعد كل الاحداث ماخلصت
رحت لغاية السنترال عشان اتكلم مكالمة موبيل ـ ألو طمني عليك ـ لقيت السنترال قافل وفي جنبه كام محل قافلين
وقفت وانا مستغرب وقلت هو النهاردة ايه بالظبط والدنيا عاملة كدة ليه مش زي كل يوم
ركبت العربية وولعت سيجارة وقلت انا اروح اتكلم من سنترال قريب من المكان اللي رايحه واكلم الشخص واخلص
طلعت على الشارع .. بس الشارع كان غريب عن كل يوم برضه .. الناس ماشية مكشرة وشكلهم مستعجلين او مش نايمين والدنيا أزحم من العادي والعربيات والاتوبيسات رايحة جاية بطريقة تنرفز اكتر من كل يوم
نزلت واتجهت ناحية السنترال التاني .. الغريب لقيته هو كمان قافل
طب وبعدين هو فيه ايه النهاردة
بالصدفة ببص في ساعة الموبيل
....
تنحت وفتحت عيني
لقيتها
8:00 AM
مع اني كنت نايم الساعة خمسة الصبح
ولعت سيجارة تانية وروحت قلت اشوف اي حاجة اتلهي بيها عالصبح
شكله هيبقى يوم طويل

13 comments:

Mr-Biboooo said...

هاهاهاهاها

يا دماغك
الحمد لله انا بطلت العيشة دى من زمااااااان
بس بذمتك مش يومك كده بقى احلى

أحمد said...

صباح الخير يا ريس

راضى said...

طيب لما حصل كده كان ايه احساسك يعنى

اتضايقت ولا فرحت ولا اتخنقت

انا لو مكانك حتخنق

بس حكون مبسوط باللى حصل

مش عارف ازاى

Foxology said...

الاحساس اللي جالي اني كنت فرحان ان المعادين ماراحوش عليا

واتضايقت اني هقضي اليوم من أوله واحتمالات الكآبة واردة اكتر عشان كدة بستخبى منها بالنوم

بس التأثير اللي كان مسيطر اني كنت مخضوض

Foxology said...

منور يابيبو

صباح الفل يا ابليس واللهي مشرفني

المليجي said...

فوكسي العزيز

ليه دايما ماباقدرش أشيل عيني من على أي بوست ليك إلا لما أخلصه

ربنا يطوّل أيامك كمان وكمان

Foxology said...

مليجي العظيم

كلامك ده شرف ليه واتفاخر بييه

رافع معنوياتي ومظبطني

EgyGirl said...

مهما كان موضوع احتمالات الكآبة دة بس مفيش زى الصحيان وانك تاخد اليوم من أوله بكل اللى فيه ... هو العمر كام نهار عشان تضيعهم؟؟؟ شكلك دايما بيدينى احساس بالنشاط والحركة ... بلاش كسل

ماريو said...

باشا

ام المريله الكحلى said...

قعدت اضحك قوى لما قريت البوست ده
اصل الموقف ده حصل معايا من فتره بس انا نمت يومين ورا بعض من غير مااصحى وصحيت فاكره اننا باليل ولقيت الساعه 6 الصبح لما بقيت هاتشل وهاتجيلى نقطه بس ربنا ستر ولقيت حاجه تشغلنى

الوبك احسن من رائع
وصبااااااااح الخيييييييييير

وتلومني فيك said...

منتديات ليلوز كافيه
خدمات الويب
مركز تحميل
منتديات
تسريحات
فساتين
مكياج
خلطات
زفات
خلفيات ماسنجر
رموز ماسنجر
صور للتصميم
بث مباشر
ديكور
منتدى سعودي
ازياء
صور رومنسية
العاب
توبيكات ماسنجر
رسائل
برامج جوال
اناشيد اسلاميه
صور ماسنجر
زفات

midi haytham said...

كشف تسربات المياه
شركة تخزين عفش بالرياض
شركة نقل اثاث بالرياض
شركة تنظيف فلل بالرياض
شركة تخزين عفش بالرياض
شركة نقل عفش بالرياض
شركة تنظيف واجهات حجر بالرياض

شركة تنظيف شقق بالرياض
شركة تنظيف بيوت بالرياض
شركة جلي بلاط بالرياض
شركة تنظيف مسابح بالرياض
شركة تنظيف خزانات بالرياض
شركة عزل خزانات بالرياض
شركة تسليك مجارى بالرياض
شركة تنظيف موكيت بالرياض
شركة تنظيف منازل بالرياض
شركة تنظيف واجهات زجاج بالرياض
شركة تنظيف مجالس بالرياض
‪شركة رش مبيدات بالرياض
شركة مكافحة حشرات بالرياض
شركة تنظيف مساجد بالرياض

Saad Abd said...

شركة تنظيف خزانات بالرياض

شركة جلي بلاط بالرياض

شركة تنظيف بيوت بالرياض

شركة تنظيف مجالس بالرياض