27 August 2005

جواز بقرار سياحي

من كام يوم كنت في قاهرة المعز في رحلة قصيرة بغرض غير معروف
وكان بقالي فترة كبيرة مانزلتش القاهرة في الوقت ده من السنة ...كنت مستمتع في الاول بزحمة القاهرة وشوارعها
وكنت مستمتع وانا بتفرج على الناس اللي رايحة وجاية ووشوشهم من المبسوط للمخنوق للي بيتكلم واللي ساكت واللي ماشي واللي بيجري وهكذا
وبعد شوية لاحظت ملاحظة واستفسرت عنها من صديقي الاسكندراني اللي استلم شغله في القاهرة من فترة
وهي ان في كمية كبيرة من الخليجيين اكتر من كل مرة في القاهرة وتقريبا الكمية اللي شفتها منهم اكتر من اللي شفتهم في السعودية ايام ما كنت عايش هناك
ماردش على سؤالي ورد علية بانه قالي اسمع الخبر ده
من كام يوم كان في فرح هنا في فندق قريب من شغلى والفرح ده بتاع اتنين خليجيين من الكويت
مافهمتش ايه المشكلة في الموضوع ده ... ولما شاف مني اني مش متعجب ومستنيه يكمل القصة
وصحلي ان الفرح كان بتاع اتنين رجالة هيتجوزوا بعض ـ هنا بدأت اجمع ـ وكمل كلامه ان واحد منهم شكله مليان وجسم جامد ـ العريس ـ والتاني متدلع وشكله ناعم ـ العروس ـ وان الفرح اتعمل في فندق مشهور وان الفندق وافق على الموضوع ده عشان تنشيط السياحة وتحت شعار اللي ييجي منه احسن منه ... وان الفندق اعتبره فرح عادي وكان في فقرة رقاصة مشهورة ويقال ان ان الرقاصة يوم الفرح كانت بترقص بطريقة اشد من كل مرة في محاولة منها لتحريك اي حد من العريس او العريس ناحية الانثى ولكن لا حياة لمن تنادي واعتبرت انها غير موجودة بالخدمة واعتبرها العرسان انها كائن لايعترف بيه
رجعت بذاكرتي للفترة اللي كنت عايش فيها في المدينة المنورة واني سمعت كذا خبر زي ده وان اتعمل افراح في مناطق خاصة ابطالها راجلين بس كانت في الغالب بيحصل عليها كبسة من هيئة الامر بالمعروف والنهي عن المنكر وبيلموا الموضوع وبيقولوا انه محصلش اصلا
اللي فكرت فيه اني اوصل لدماغ اي حد منهم واعرف ايه اللي بيدور في دماغهم بالظبط .. يعني ايه اللي يخلي واحد يفكر انه يتجوز واحد .. طب مثلا لو حصل انهم ماتفقوش بعد كدة هل هيكون في طلاق وشهور عدة ويمكن المطلق يطالب بنفقة او نفقة متعة
وممكن الاول مثلا يطلبه في بيت الطاعة ويطلبه بالقانون بما ان الموضوع دخل في جواز وكلام جد .. ماحدش عارف يمكن يكون طلب ايده اساسا من ابوه وقدمله مهر وشبكة
بس كويس ان فنادقنا اتوفر فيها قسم خاص لافراح الاقطاب المتشابهة والهدف طبعا تنشيط السياحة وتحقيق الحرية الشخصية للمصريين وغير المصريين وتحقيق الديموقراطية والملوخية والمهلبية
وكما قال المثل مصر أم الدنيا
ومازال البحث مستمر عن ابوها

10 comments:

mindonna said...

فكرتني بحاجة قريتها قبل كده , عن قوم لوط , بما أنهم كانوا من شبه الجزيرة العربية , فالشذوذ الجنسي بالتالي بيجري في دم العرب البدو !!
و أنا عن نفسي شفت مرة موقف واحد مصري كان بيشتغل في السعودية و اتطرد من الشغل بعد ما اتهم أحد من العاملين السعوديين بالتحرش بيه
!!
بس حكاية الفرح اللي بتقول عليها دي , صحيح بداية مشرفة للمناداة بالحرية و المساواة بين حقوق الناس اللي كده كده و الناس اللي مش كده
و...تحية للوحدة العربية(اهي اهي اهي)

Foxology said...

تصحيح لمعلومتك
قوم لوط ماكانوش في الجزيرة العربية ولا حاجة دول كانوا في منطقة البحر الميت اللي هي بين الاردن وفلسطين

لكن بالنسبة للشواذ هما موجودين في كل حتة على فكرة وماليين مصر برضه مش مجرد ان الشواذ في الخليج بس

انا معترض على فكرة اقامة الفرح بين راجلين خليجيين او هنود او من اي داهية
ومعترض اكتر على استغلال الفندق للموضوع ده والسماح بيه بحجة تنشيط السياحة

وجكاية الموظفين اللي اتطردو من السعودية بسبب الموضوع ده انا شفته وعاصرته بس الموضوع مش محصور على منطقة الخليج الموضوع ده موجود هنا كمان وكتير

راضى said...

معلش بقى
أكل ومرعى وقلة صنعه

روح said...

بص يا علاء .. انا لا اثق فى جريدة الاسبوع كمان القصة وصلتنى من اكتر من شخص بنفس الاسلوب الروائى ان فى واحد كان حاضر واعمال يوصف الفرح يعنى لازم حد شاف علشان يتكلم كدة الجريدة موضحتش ان محرر من عندها راح وشاف ولا قالت مين ولا ازاى وصلتها المعلومات دى اصلا .. كمان ناس اعرفها سالت كذا موظف قالوا محصلش حاجة زى وكدة- بغض النظر عن دة فعلا اسلوب الكتابة غير مقنع اصلا

Mr-Biboooo said...

يادى النيلة

لو وزارة الياحة حبت تعمل اعلان على الموضوع ده زى بتاع ابتسامة مصر متتنسيش هتبقى فلة

Foxology said...

استاذ روح :

بغض النظر عن ثقتك في الجريدة والا لا دي حاجة ماتخصنيش
وبعدين انا اساسا مابقراش جرايد وماجبتش الخبر ده منه

انا جايب الخبر من صديق مقيم في القاهرة ومصدقه

وبعدين انا ماجبتش اسم الفندق شخصيا في كلامي
اللي عايز اعرفه هما معارفك لما سألو الموظفين اللي يعرفوهم سألوهم فين بالظبط في انهي فندق او قاعة

معلومة بس
موضوع افراح راجلين دي موجودة فعلا مش اشتغالة وموجودة في مصر برضه

KareemFromEgypt said...

i don't have an arabic keyboard but i would like to add that "masr omm el donya, we ba2eet el belaad aboha" or something along those lines

keep up the good work

موجه said...

على فكره يافوكس الخبر وصلني انا كمان
و والله من مصادر مسؤوله وموثوق فيها

وبيييييييس يامان

وتلومني فيك said...

منتديات ليلوز كافيه
خدمات الويب
مركز تحميل
منتديات
تسريحات
فساتين
مكياج
خلطات
زفات
خلفيات ماسنجر
رموز ماسنجر
صور للتصميم
بث مباشر
ديكور
منتدى سعودي
ازياء
صور رومنسية
العاب
توبيكات ماسنجر
رسائل
برامج جوال
اناشيد اسلاميه
صور ماسنجر
زفات

midi haytham said...

كشف تسربات المياه
شركة تخزين عفش بالرياض
شركة نقل اثاث بالرياض
شركة تنظيف فلل بالرياض
شركة تخزين عفش بالرياض
شركة نقل عفش بالرياض
شركة تنظيف واجهات حجر بالرياض

شركة تنظيف شقق بالرياض
شركة تنظيف بيوت بالرياض
شركة جلي بلاط بالرياض
شركة تنظيف مسابح بالرياض
شركة تنظيف خزانات بالرياض
شركة عزل خزانات بالرياض
شركة تسليك مجارى بالرياض
شركة تنظيف موكيت بالرياض
شركة تنظيف منازل بالرياض
شركة تنظيف واجهات زجاج بالرياض
شركة تنظيف مجالس بالرياض
‪شركة رش مبيدات بالرياض
شركة مكافحة حشرات بالرياض
شركة تنظيف مساجد بالرياض