13 June 2005

العاب

مجموعة افكار تدور في دماغي من اول ماستلمت الشغلانة في السيبر
ومن اول ماشتغلت مع صديقي صاحب السيبر وانا اكتشفت مجموعة من الناس اللي كنت اعلرف انهم موجودين في الحياة لكن لسبب غير معروف كنت ببتعد عن الشخصيات دي وحتى الشخصيات اللي اعرفها كنت بتعمد من حين لاخر اني ارمي عليهم الكلام بطريقتي المتفوكسة واتعمد اني احطملهم امالهم واحلامهم لما يكسبو ماتش فيفا او سباق نيد فور سبيد واحسسهم انهم في الطراوة ومش داريين بالدنيا
ومحاولا طبعا تفادي سؤالهم امال انت يعني بتعمل ايه في الحياة ؟
امبارح فضلت لغاية الساعة 6:30 صباحا مستني شوية شباب تتراوح اعمارهم من ال 25 لل 27 قاعدين قدام شاشات الكومبيوتر اللي بيلعب فيفا واللي بيلعب نيد فور سبيد لاكتر من 6 ساعات تقريبا
وانا قاعد على الجهاز المتحكم في الشبكة بحرق في سجايروبسمع حبيبي محمد منير وزهقت من كتر ماتصفحت الصفحات اللي اعرفها ومن كتر ماتكلمت مع ناس على المسنجر
قعدت افكر ايه اللي يخلي شوية الناس اللي جوة دول يهتمو قوي بالالعاب دي رغم سنهم الكبير وخليهم يقضو امتر من 6 ساعات بيلعبو وبالاهتمام ده وبالتعصب ده ... ممكن يكونوا هايفين..ممكن يكونوا بيهربوا من حياتهم .. بس برضه ايه اللي يخليهم يخلصوا شغلهم ويسيبوا اي حاجة تانية وييجوا يلعبوا ؟ الموضوع محيرني
طب وانا مالي مايلعبوا فيفا واللا يموتو بعض حتى المهم انهم بيدفعوا في الاخر تمن كل ساعة وبيمشوا وهما مبسوطين وبيتواعدوا واللي خسروا النهاردة بيتوعدوا للي هزموهم انهم بكرة هيردوا الخسارة وهتكون تقيلة

عامة وانا مالي مش يمكن يكونوا هما اللي صح وانا غلط وفي الاخر هما مبسوطين وانا مستغرب من انبساطهم بس مليش حق اقولهم انهم غلط


2 comments:

moe said...

الاشخاص دي بيهربوا من حياتهم,هزايم في البيت-قمع-هزايم في الكلية -هزايم في المستقبل-جيش ثم بطالة

هزايم في الحب,يا مش لاقين حد يحبوة يا مش عارفين يرتبطوا باللي يحبوة

بعد كل دة مفيش اي حاجة ينتموا ليها عالمستوي العام -لا حزب لا دولة لا دين ولا اي حاجة

لازم ينتصر في حاجة بقي-ما تحرموش من اخر حاجة ممكن ينتصر فيها

المتوكل على الله said...


شركة رش مبيدات بالرياض
عملاؤنا الكرام نوجه عناية سيادتكم بإستخدامنا مبيدات فعالة وامنة صحياً وبيئياً سواء لرش المنزلية أو الزراعية ونود أن نخبركم بأهدافنا الراقية ليس فقط مجرد القيام بأعمال رش المبيدات أو رش الحشرات إنما خدماتنا ما بعد الرش أيضاً في متابعة تأثير عمليه الرش وقياس فترات الرش لتقديم خطة شاملة لعملية رش تضمن القضاء التام علي الحشرات المنزلية.شركة رش مبيدات شمال الرياض
شركة رش مبيدات شرق الرياض
شركة رش مبيدات غرب الرياض
شركة رش مبيدات جنوب الرياض

شركة مكافحة حشرات بالرياض
يجب علينا مكافحة الحشرات المنزلية باللجوء إلي والتى تقدم لك خدمتنا المتميزة في مكافحه الحشرات العادية والطائرة وجميع أنواع الحشرات والفئران باى مكان في منزلك
شركة مكافحة حشرات شرق الرياض
شركة مكافحة حشرات شمال الرياض
شركة مكافحة حشرات غرب الرياض
شركة مكافحة حشرات جنوب الرياض